Урок беларусазнаўства ў інтэгрыраванай бібліятэцы в.Забашавічы

  Сельскія бібліятэкі працягваюць святкаваць Дзень роднай мовы. У сельскай бібліятэцы в.Забашавічы прайшоў урок беларусазнаўства: “Які гэта цуд – мова мая родная!” для вучняў 4 – 6 класаў. Дзеці з задавальненнем праслухалі  легенду “Адкуль пайшлі беларусы” і паданне “Колькі жыць чалавеку?”

Бібліятэкар вяла аповед пра тое, адкуль і як узнікла наша родная беларуская мова. Дзеці з ахвотай ўспаміналі матуліны калыханкі, адгадвалі загадкі, загадкі – жарты, з вялікай цікавасцю праслухалі гумарэскі. 

Удзельнікамі былі прачытаны вершы Эдзі Агняцвет “Грамацеі” і “Міколкавы пытанні”. 

Напрыканцы, усе пагадзіліся з тым, што мы – беларусы павінны любіць і шанаваць сваю родную мову.

Дарэчы, усім, хто цікавіцца родным беларускім словам, прапаную звярнуцца да групы "Далучыць да роднага слова" метадыста аддзела бібліятэчнага маркетынгу Людмілы Захарэвіч.

Група створана ў 2012 годзе, налічвае 286 удзельнікаў. 

Далучайцеся да групы ў сацыяльнай сетцы "Аднакласнікі"!

Перайсці да прагляду тэм і фотаздымкаў групы можна, націснуўшы ТУТ